تعال يا سكر نبات العشق

تعال ياسكر نبات العشق ياملح القصيد
غيبتك لي مده وانا اغني على طاروقها

قصيدة (ن) موالها تهتز له خضر الجريد
ترخي هماليل المزون اللي تلوح بروقها

ماهي دراما او مسلسل تكتبه فجر السعيد
مشاعر(ن) تليق بي وانا وغلاك تلوقها

ناديت لك وانت القريب من المحاني والبعيد
وسقت القدم والا لغيرك مستحيل اسوقها

ومديت لك كف الرضا والعشق والعمر الزهيد
ومدللك مثل الرجال اللي تدلل نوقها

واصبحت تسري وسط شرياني وتسكن بالوريد
تقفي وتقبل وانت لي طعم الحياة وذوقها

ياراس مالي يوم مالي لاحساب ولارصيد
فـ البنك والاسهم نموت ولا دخلنا سوقها

تعال قربك عيد والبعد ضربة من حديد
يامن تشب النار بغيابي وانا أوطى فوقها

أشعلت بردي في دفاك وذابت امواج الجليد
اللي شواطيها تحرى فيتك وشروقها

وكتبت فيك اغلى القصيد يفيد والا مايفيد
ابيات لاغنيتها تروق لي واروقها

عامين احايل رفقتك والعمر ينقص مايزيد
سنين ادور رفقة اللي رفقته مابوقها

ارجع ولا ابغى لك عذر من دون شرط ودون قيد
ياول هوى نفسي وتاليهم وغاية شوقها

تعال وافعل ماتبي والله يفعل مايريد
اترك كلام اللي على السيرة تبل حلوقها

مشكوووور على المرور

ووجهك انشاء الله